供應 · 配送
最少要訂幾多?
無起訂量。我哋可以由一箱試送開始,廚房試過啱手先傾長期合作。大部分客戶由每週 1-2 箱開始,然後按需要 scale up。
可以揀蔬菜品種?
主菜籃係我哋每週跟節氣精選(5-8 款),食得到「當造」嘅感覺。如果有特定品類需要,可以加訂 A La Carte,亦可以同廚師傾特殊需求(例如：特定品種嘅番茄、某個大小嘅秋葵等)。
服務範圍覆蓋邊啲區?
香港島、九龍、新界大部分商業區及食肆密集區域。偏遠或離島地點請先 WhatsApp 查詢。
節假日點安排?
農曆新年前會加送、年三十至年初三休息。其他公眾假期會提前一星期通知排期。
品質 · 食安
如果收到唔滿意點算?
當日 WhatsApp 講一聲,即時換貨或扣返落張單。呢個係 SOP,唔係例外。我哋相信好食材要由廚師嘅標準定義,唔係我哋。
點解唔話自己「有機」?
我哋唔濫用「有機」、「天然」呢啲字眼。我哋只講事實——邊個農夫、邊塊田、點樣種,全部寫喺菜記上。你自己判斷。
食物安全牌照齊嗎?
齊。我哋喺食物環境衞生署登記為食物進口商,並持有第三者責任保險及產品責任保險。副本可應要求提供。
遇到極端天氣(颱風、暴雨)點算?
我哋會誠實講畀廚房知當週嘅限制——可能某樣菜少咗,或者品質唔達我哋標準。我哋唔會用外地貨填數。
合作 · 付款
幾時可以開始?
最快下星期。WhatsApp 或填表之後,我哋同你傾廚房需求,確認完細節就可以安排第一箱試送。
付款方式?
支援月結(合作滿 3 個月後)、轉數快 (FPS)、銀行轉帳、PayMe。小額試送可即時付款。
可以做 co-brand 菜記嗎?
可以。長期合作廚房可訂製專屬菜記卡——加上你廚房 logo、字體、口吻。適合餐廳放喺 menu 或枱面派俾食客睇,講自家食材源頭嘅故事。
可唔可以上門傾?
可以。我一個人 solo 做,時間彈性。港九新界都可以約,亦支援 Zoom。